ཨེམ་བྷོབ་ཀྱི་ཞབས་ཏོག།

འབྲུག་གི་དངུལ་ཁང་གིས་ ཨེམ་བྷོབ་གི་ཐོག་ལས་ དུས་ནམ་རང་འབད་རུང་ ཁྱོད་རའི་སྟབས་བདེ་སྡུག་དང་འཁྲིལ་ཏེ་ ཁྱོད་རའི་རྩིས་ཁྲ་ཚུ་ འཇམ་ཏོང་ཏོ་སྦེ་ལོངས་སྤྱོད་ཚུགས་ནིའིདོན་ལུ་ ཨེམ་བྷོབ་གི་ཞབས་ཏོག་འདི་ འགོ་བཙུགས་ཏེ་ཡོདཔ་ཨིན། ད་རེས་ནངས་པ་འབད་བའི་བསྒང་ལས་ ཨེམ་བྷོབ་འདི་ འགྲུལ་འཕྲིན་མོ་བཱེལ་གྱི་རིགས་དང་འཁྲིལ་ཏེ་ཡོདཔ་ལས་ ཨེམ་བྷོབ་ཡོད་པའི་འགྲུལ་འཕྲིན་གྱི་རིགས་ཚུ་ཡང་ འགྲུལ་འཕྲིན་ལག་ལེན་གྱི་རིམ་ལུགས་དང་བསྟུན་པའི་ དབྱེ་བ་དེ་ཡང་ གཤམ་གསལ་ལྟར་དུ་ཨིན། གཤམ་འཁོད་ནང་ལུ་མེད་པའི་ འགྲུལ་འཕྲིན་གཞན་རྣམས་ཚུ་གིས་ *༢༦༢# ཨེབ་སྟེ་ ཞབས་ཏོག་དེ་ སྤ་ཡོད་ཚུགས་ནི་དང་ དེ་ཡང་ ཡུ་ཨེསི་ཨེསི་དྲི་གི་ཐོག་ལས་ཐོབ་ཚུགས།

ཨེམ་བྷོབ་གི་ཨཱེབ་ཕབ་ལེན་འབད་ནིའི་དོན་ལུ་ ཆ་གནས་ཡོད་པའི་ ས་སྒོ་དེ་ཡང་ ཨའི་ཕཱོན་དང་ཨའི་པེཌ་ལག་ལེན་འཐབ་མི་ཚུ་གི་དོན་ལུ་ ཨཱེབ་ཨིནསི་ཊཱོལ་དང་ ཨེན་རོཌ་ལག་ལེན་འཐབ་མི་ཚུ་གི་དོན་ལུ་ པེ་ལེསི་ཨིནསི་ཊཱོལ་ དེ་ལས་ ཝིན་དྲོསི་ལག་ལེན་འཐབ་མི་ཚུ་གི་དོན་ལུ་ ཝིན་ཌཱོ་ཨིནསི་ཊཱོལ་དང་ བེཨེག་བེ་རི་ལག་ལེན་འཐབ་མི་ཚུ་གི་དོན་ལས་ བེཨེག་བེ་རི་ཝཱལ་ཚུ་ཨིན།

ཕྱི་རྒྱལ་ཁབ་བཞུགས་མི་ཚོང་མགྲོན་པ་ཚུ་གིས་ ཨེམ་བྷོབ་ཀྱི་དོན་ལུ་ ག་དེ་སྦེ་ཐོ་བཀོད་འབད་ནི་ཨིན་ནའི་སྐོར།

ཕྱི་རྒྱལ་ཁབ་ནང་བཞུགས་མི་ ཚོང་མགྲོན་པ་ཚུ་གིས་ ཨེམ་བྷོབ་ཀྱི་ཞབས་ཏོག་གི་དོན་ལུ་ ཐོ་བཀོད་དེ་ཡང་ཤོག་ལེབ་འདི་གི་གཤམ་ལུ་ཡོད་པའི་ འགྲུལ་འཕྲིན་དངུལ་འབྲེལ་ལཱ་གི་འབྲི་ཤོག་བསྐང་སྟེ་ mbob@bob.btནང་ལུ་ ཐོ་བཀོད་ཡོད་པའི་ གློག་འཕྲིན་ཐོག་ལས་ འབྲི་ཤོག་འདི་བཏང་དགོཔ་ཨིན།

ཐུགས་ལུ་བསྣམས་དགོཔ་དེ་ཡང་ ཁྱོད་རའི་གློག་འཕྲིན་འདི་ ང་བཅས་ཀྱི་གནས་སྡུད་གཞི་མཛོད་ནང་ལུ་ དུས་མཐུན་བཟོ་སྟེ་མེད་པ་ཅིན་ ཚོང་མགྲོན་པ་རང་སོའི་བརྡ་དོན་ཡིག་སྣོད་ནང་ལུ་ རང་སོའི་བརྡ་དོན་ཚུ་ དུས་མཐུན་བཟོ་དགོཔ་ཨིན། རང་སོའི་ བརྡ་དོན་ཚུ་ ཚོང་མགྲོན་པའི་བརྡ་དོན་ཡིག་སྣོད་ནང་ལུ་ དུས་མཐུན་བཟོ་དགོ་པ་ཅིན་ འབྲི་ཤོག་དེ་ཡང་ ཐད་ཀར་འབྲེལ་འཐུད་ནང་ལུ་ “ཁྱོད་རའི་དངུལ་ཁང་” ཟེར་ཡོད་མི་ནང་ལས་ ཕབ་ལེན་འབད་དེ་ ཚུལ་མཐུན་བསྐང་ཡོད་པའི་ ཚོང་མགྲོན་པའི་བརྡ་དོན་ཡིག་སྣོད་ཀྱི་འབྲི་ཤོག་འདི་ operations@bob.btནང་ལུ་གཏང་དགོཔ་ད་ འབྲི་ཤོག་འདི་ཐོབ་ཞིནམ་ལས་ ང་བཅས་ཀྱིས་ ང་བཅས་རའི་ལམ་ལུགས་ནང་ལུ་ དུས་མཐུན་བཟོ་ནི་དང་ ཚོང་མགྲོན་པའི་བརྡ་དོན་ཡིག་སྣོད་ནང་ལུ་ དུས་མཐུན་བཟོ་ཞིནམ་ལས་ ཁྱོད་ཀྱི་ཨེམ་བྷོབ་ཀྱི་ཞབས་ཏོག་འདི་ ལཱ་འབད་བཏུབ་སྦེ་བཟོ་ནི་དང་ ལག་ལེན་འཐབ་ནིའི་དོན་ལུ་ ཁྱོད་ཀྱི་ལག་ལེན་ཡིག་ཆ་ཚུ་ ཐོ་བཀོད་ཡོད་པའི་ ཁྱོད་རའི་གློག་འཕྲིན་ནང་ལུ་ ཉིན་གྲངས་ ༢-༣ གྱི་ནང་འཁོད་སྐྱེལ་གཏང་འོང་།

ཨེམ་བྷོབ་ཀྱི་ཁེ་ཕན།

སྤྱོད་འཐུས།

ཐོ་བཀོད་དེ་ ཞབས་ཏོག་ག་ར་གི་དོན་ལུ་ རིན་མེད་སྟོང་པ་ཨིནམ་ལས་ ཞབས་ཏོག་མང་ཤོས་ཅིག་ལུ་ སྤྱོད་འཐུས་སྤྲོད་མ་དགོཔ་ཨིན།

ཉེན་སྲུང་།

ཨེམ་བྷོབ་ཀྱི་ཞབས་ཏོག་འདི་ ཉེན་སྲུང་ཅན་གྱི་ཞབས་ཏོག་ཅིག་ཨིནམ་ད་ དེ་ཡང་ འགྲུལ་འཕྲིན་ནང་ལུ་ གནས་སྡུད་ཚུ་ག་ནི་ཡང་ བསག་བཞག་མ་ཚུགསཔ་མ་ཚད་ དངུལ་སྐྱེལ་གཏང་བའི་སྐབས་ལུ་ གནས་སྡུད་ཚུ་ག་ར་གསང་བ་སྦེ་བཞག་དོ་ཡོདཔ་ཨིན། ཨེམ་བྷོབ་ཀྱི་ནང་ལུ་ ཉེན་སྲུང་གི་དོན་ལུ་ ཉེན་སྲུང་ཅན་གྱི་ ཨེམ་པིན་དང་ ཀྲི་པིན་ དེ་ལས་ ཉེན་སྲུང་དང་འབྲེལ་བའི་དྲི་བ་ཡོདཔ་ཨིན།

དངུལ་འབྲེལ་གྱི་ལས་དོན།

• རྩིས་ཁྲ།
  • ལྷག་ལུས་བལྟ་ས།
  • རྩིས་ཐོ་ཆུང་བ།
  • རྩིས་ཐོ་རྒྱས་པ།
• དངུལ་སྐྱེལ་གཏང་ནི།
  • རང་སོའི་རྩིས་ཁྲ་ངོ་མ།
  • འབྲུག་གི་དངུལ་ཁང་གི་རྩིས་ཁྲ་གཞན།
  • གཞན་མི་དངུལ་ཁང་གི་དངུལ་གཏོང་ལེན།
  • འགྲུལ་འཕྲིན་ག་ར།
  • ཞལ་འདེབས།
  • ཁེ་ཕན་འཆང་མིའི་རྩིས་ཁྲ་ཁ་སྐོང་བཀལ་ནི།
  • ཁེ་ཕན་འཆང་མིའི་རྩིས་ཁྲ་བཏོན་གཏང་ནི།
• དངུལ་སྤྲོད་ནི།
  • རྩིས་ཐོ་སྤྲོད་ནི།
    • ཉོ་བཙོང་ཤོག་བྱང་གི་རྩིས་ཐོ།
    • འབྲུག་བརྒྱུད་འཕྲིན།
      • བརྒྱུད་འཕྲིན་གྱི་རྩིས་ཐོ།
      • དངུལ་ཤུལ་སྤྲོད་ཀྱི་བོརོཌ་བེན་རྩིས་ཐོ།
      • དངུལ་ཤུལ་སྤྲོད་ཀྱི་འགྲུལ་འཕྲིན་རྩིས་ཐོ།
      • གླ་ཁར་བཏང་ཡོད་པའི་རྒྱུན་ལམ་གྱི་རྩིས་ཐོ།
    • མཁོ་ཆེ་བའི་མཐུན་རྐྱེན་གྱི་རྩིས་ཐོ་ཁྲལ་སྤྲོད་ནི།
      • གློག་མེ་ཁྲལ།
      • ཆུ་ཁྲལ།
        • ཐིམ་ཕུག་ཁྲོམ་སྡེ།
    • ཚོང་དཔོན་ཚུ་ལུ་དངུལ་སྤྲོད་ནི།
      • དངུལ་སྤྲོད་ནི་འགོ་བརྩམ་ནི།
      • དངུལ་སྤྲོད་ནི་ཞུ་བའི་གནས་སྟངས།
    • ཁྲལ།
      • སའི་ཁྲལ།
        • ཐིམ་ཕུག་ཁྲོམ་སྡེ།
    • ཟླ་རིམ་བསྐྱིན་འགྲུལ་བཏབ་ནིའི་དོན་ལུ་གཏན་འཁེལ་བཟོ་ཡོད་པའི་ཚད།
      • འབྲུག་གི་དངུལ་ཁང་།
      • རྒྱལ་ཡོངས་དགོངས་ཞུའི་ཟུར་ཕོགས་དང་འཚོ་རྟེན་མ་དངུལ།
• དངུལ་བསྐྱར་གསོ།
  • ཨེ་ཡར་ཀྲཱིམ་དངུལ་ཁ་སྐོང་།
    • འབྲུག་བརྒྱུད་འཕྲིན་དང་བཀྲིས་བརྒྱུད་འཕྲིན།
  • དངུལ་སྔོན་སྤྲོད་ཀྱི་བཱོརཌ་བེན།
    • འབྲུག་བརྒྱུད་འཕྲིན།
• དངུལ་བཏོན་ནི་དང་བཙུགས་ནི།
  • འབྲུག་གི་དངུལ་ཁང་གི་ངོ་ཚབ།
• གཞན།
  • དུས་ཐོག་དངུལ་གཏན་འཇགས་སྦེ་སྤྲོད་དགོ་པའི་བཀའ་རྒྱ།
    • དུས་ཐོག་དངུལ་གཏན་འཇགས་སྦེ་སྤྲོད་དགོ་པའི་ཐོ་ཁ་སྐོང་བཙུགས་ནི།
    • དུས་ཐོག་དངུལ་གཏན་འཇགས་སྦེ་སྤྲོད་དགོ་པའི་ཐོ།
    • དུས་ཐོག་དངུལ་གཏན་འཇགས་སྦེ་སྤྲོད་དགོ་པའི་ཐོ་བཏོན་གཏང་ནི།
• དངུལ་བཏོན་ཤོག་བྱང་མེད་པར་ འབྲུག་གི་དངུལ་ཁང་གི་ཨེ་ཀྲི་ཨེམ་ནང་ལས་དངུལ་བཏོན་ནི།
  • ཞུ་བ།
    • དངུལ་འཛིན་ཀི་དེབ་ཀྱི་ཞུ་བ།
    • དངུལ་འཛིན་མཚམས་འཇོག
    • དངུལ་འཛིན་གྱི་གནས་སྟངས།
    • ཉོ་བཙོང་དངུལ་བྱང་གི་ཞུ་བ།
    • ཤོག་བྱང་བཀག་བཞག་ནི།
• རང་སོའི་སྐོར་ལས་མདོར་བསྡུས།
  • ཨེམ་པིན་སོར་ནི།
  • ཀྲི་པིན་སོར་ནི།
  • ཉེན་སྲུང་གི་དྲི་བ་བཟོ་ནི།

• འབྲུག་གི་དངུལ་ཁང་ནང་ལུ་དངུལ་བཙུགས་མིའི་འཐོན་འབྲས་དང་སྐྱེད་ཀྱི་ཚད་བལྟ་ནི།
• ཟླ་རིམ་བཞིན་དུ་བསྐྱིན་འགྲུལ་ལོག་བཏབ་ནིའི་རྩིས་བཏོན་ནི།
• རྩིས་ཁྲ་ཞིབ་དཔྱད།
• འདས་པའི་དངུལ་གཏོང་ལེན་གྱི་ཐོ་ལྔའི་ཞིབ་དཔྱད།
• རྩིས་ཁྲའི་རྩིས་ཐོ་ལེན་ནི།
• རང་སོའི་རྩིས་དང་གཞན་མི་གི་རྩིས་ཁྲ་ དེ་ལས་ རྒྱལ་ཁབ་ནང་འཁོད་ཀྱི་ དངུལ་ཁང་ནང་དུ་དངུལ་སྐྱེལ་ནི།
• དངུལ་སྐྱེལ་ནིའི་དོན་ལུ་འཇམ་ཐབས་ཀྱི་དོན་ལས་ ཁེ་ཕན་འཆང་མི་རྩིས་ཁྲ་ཚུ་ཐེབས་བཙུགས་ནི་དང་ བཏོན་གཏང་ནི།
• རྩིས་ཐོ་གི་དངུལ་སྤྲོད་ནི། (ད་ལྟོ་ ཐད་ཀར་དུ་ དངུལ་མགྱོགས་དྲག་སྦེ་སྤྲོད་ནི་འདི་ རྒྱལ་ཡོངས་དགོངས་ཞུའི་ཟུར་ཕོགས་དང་འཚོ་རྟེན་མ་དངུལ། འབྲུག་གློག་མེ་ལས་འཛིན། འབྲུག་གི་བརྒྱུད་འཕྲིན། ཐིམ་ཕུག་ཁྲོམ་སྡེ་ཚུ་ཨིན།)
• འབྲུག་བརྒྱུད་འཕྲིན་དང་ བཀྲིས་བརྒྱུད་འཕྲིན་གྱི་ཨང་གྲངས་ནང་ལུ་ ཨེ་ཡར་ཀྲེམ་གྱི་དངུལ་བཙུགས་ནི།
• འབྲུག་གི་དངུལ་ཁང་གིས་ ཐོ་བཀོད་ཡོད་པའི་ ཟ་ཁང་དང་གནས་ཁང་ ཚོང་ཁང་དང་གློ་འཁོར་གྱི་འཐུས་ཚུ་ ཁྱོད་རའི་འགྲུལ་འཕྲིན་ཐོག་ལས་སྤྲོད་ནི།
• དུས་ཐོག་དངུལ་གཏན་འཇགས་སྦེ་སྤྲོད་དགོ་པའི་ཐོ་བཟོ་ནི། ལེགས་བཅོས་འབད་ནི་དང་བཏོན་གཏང་ནི།
• དངུལ་འཛིན་དཔེ་དེབ་ཀྱི་ཞུ་བ་དང་མཚམས་འཇོག་ དེ་ལས་ དངུལ་འཛིན་དཔེ་དེབ་ཀྱི་གནས་སྟངས།
• དངུལ་འཛིན་ཀི་དེབ་ཀྱི་ཞུ་བ་དང་མཚམས་འཇོག་ དེ་ལས་ དངུལ་འཛིན་ཀི་དེབ་ཀྱི་གནས་སྟངས།
• ཉོ་བཙོང་དངུལ་བྱང་གི་ཞུ་བ་ཕུལ་ནི།
• ཁྱོད་རའི་ཨེམ་བྷོབ་ཀྱི་ཁ་གསལ་ཚུ་ དུས་མཐུན་བཟོ་ནི། དེ་ཡང་ ཁྱོད་རའི་ཨེམ་པིན་དང་ཀྲི་པིན་ དེ་ལས་ ཉེན་སྲུང་གི་དྲི་བ་ཚུ་སོར་ནི་ཚུ་ཨིན།

ཨེམ་བྷོབ་ཀྱི་སྒེར་དབང་སྲིད་བྱུས།

ཨེམ་བྷོབ་ཀྱི་སྒེར་དབང་སྲིད་བྱུས།